Паллă сăвăç, писатель, куçаруçă, кулăш ăсти, поэт-юрăç, журналист, Чăваш Республикин тава тивĕçлĕ культура ĕçченĕ Петр Алексеевич Тихонов-Ялкир çуралнăранпа 95 çул çитрĕ. Çавна май 5 класра вĕренекенсем чăваш чĕлхипе литературине вĕрентекенпе пĕрле ял библиотекинче пулчĕç. Антонина Капитонова библиотекарь йĕркеленĕ «Поэт – халăхпа пĕрле» ятлă кĕнеке куравĕпе паллашрĕç ачасем. Вĕрентекенпе пĕрле  пиллĕкмĕшсем «Канăçа çухатнă сăвăç»  калаçу ирттерчĕç. Марина Ильинична Петĕр Ялкирăн пурнăçĕпе пултарулăхне каласа пачĕ; çыравçăн пĕрремĕш сăввипе, литературăри псевдонимĕпе паллаштарчĕ. Юлашкинчен Алена Мякина, Алексей Федоров, Майя Острякова поэтăмăрăн сăввисене вуласа пачĕç.