Нăрваш Шăхаль шкулĕнче кăçалхипе вун улттăмĕш хут «Сарпи вулавĕсем» конкурс иртрĕ.  Районти шкулсенчи хастар та маттур вĕренекенсемпе вĕсен вĕрентекенĕсем пуçтарăнчĕç уява. Виçĕ номинаципе иртрĕ ăмăрту. Пирĕн шкултан иккĕмĕш класра вĕренекен Дарья Титова, тăваттăмĕш класри Аэлита Логунова тата çиччĕмĕш класра вĕренекен Юлия Мальцева «Раиса Сарпипе Альбина Юратун чăвашла çырнă сăввисем» номинацие хутшăнчĕç. Виççĕшĕ те хăйсен ÿсĕмĕнчи вĕренекен ачасем хушшинче пĕрремĕш вырăна çĕнсе илме пултарчĕç. Раиса Васильевнăпа Альбина Васильевнăн  аллинчен кĕнеке илни, вĕсемпе сăн ÿкерттерни  ачасемшĕн пысăк парне пулчĕ. Маттур пулнăшăн, шкул чысне çулти шайра тытма пултарнăшăн хĕр ачасене чун-чĕререн саламлатпăр. Малашне те çитĕнÿ хыççăн çитĕнÿ туса пыма çирĕп сывлăх, пысăк хастарлăх сунатпăр.