Паллă поэтесса, драматург, проза ăсти, Чăваш Республикин тава тивĕçлĕ культура ĕçченĕ, Чăваш çамрăкĕсен Çеçпĕл Мишши ячĕпе хисепленекен премийĕн лауреачĕ, тĕрĕк халăхĕсен поэзийĕн Нежип Фазыл ячĕпе хисепленекен Пĕтĕм тĕнчери премийĕн лауреачĕ – Раиса Сарпи – ячĕпе Патăрьелĕнчи Çăкăр музейĕнче «Шăхаль Çăлтăрĕ»  сăвă вулакансен конкурсĕ иртрĕ. Конкурса районти шкулсенчен çĕр ытла ача хутшăнма кăмăл турĕ.   

 Пирĕн шкулти вĕренекенсем те ăмăртура тупăшса лайăх результатсем кăтартма пултарчĕç: Мальцева Влада (1 класс) – II вырăн, Салмин Димитрий (2 класс) – II вырăн, Титова Дарья (3 класс) – I вырăн, Логунова Аэлита (5 класс) – II вырăн, Суркова Анжела (9 класс) – I вырăн. Çапах та Раиса Васильевнăран автографлă кĕнеке илни, унпа сăн ÿкерттерни темрен те паха.

Çитĕнÿ тунă ятпа вĕренекенсемпе вĕсен вĕрентекенĕсене чунтан саламлатпăр. Малашне тата та маттур пуласса шансах тăратпăр.