Нарăсăн 21-мĕшĕ – Пĕтĕм Тĕнчери тăван чĕлхе кунĕ. Çавна май кашни шкултах  тĕрлĕ мероприяти иртет. Тăван чĕлхе кунне халалласа пирĕн шкулта та тĕрлĕ мероприяти ирттерме палăртнă. Эрнен пĕрремĕш кунĕнче 8-9 класра вĕренекенсем «Манăн тăван чĕлхе – чăваш чĕлхи» ятлă сочиненисем çырчĕç. Хăйсен ĕçĕсенче ачасем ашшĕ-амăшĕ панă чĕлхене чунтан юратни пирки пĕлтернĕ. Тăван чĕлхен вырăнĕпе пĕлтерĕшĕ, илемĕпе хăвачĕ çинчен калакан ваттисен сăмахĕсене те манса хăварман вĕренекенсем хăйсен ĕçĕсенче. Чи паха сочиненисен шутне Юлия Мякинăн, Мария Плешковăн, Ангелина Петровăн ĕçĕсене палăртмалла.