Чи хитре чĕлхе
5,8 класра вĕренекенсен черетлĕ класс сехечĕ «Чи хитре чĕлхе» ятпа иртрĕ. Ăна Пĕтĕм Тĕнчери Тăван чĕлхесен кунне халалларĕç. Класс ертÿçипе пĕрле ачасем тăван чĕлхе çинчен калакан çунатлă сăмахсене аса илчĕç. Пирĕн районта çуралса ÿснĕ П.Метинăн «Тăван сăмах – чăваш чĕлхи» кĕнекинче чĕлхе çинчен çырнă йĕркесемпе паллашрĕç. Мероприяти вăхăтĕнче ачасем кроссворд, ребус тупсăмĕсене «шĕкĕлчерĕç». «Тăван чĕлхе» сăмахпа кластер, синквейн турĕç. Юлашкинчен: «Чи хитре чĕлхе ĕмĕрех пурăнтăр!», - тесе палăртса хăварчĕç.