Шкулта 5-7 класра вĕренекен хĕр ачасем хушшинче «Атьăр-ха, хĕр ачасем!» конкурс иртрĕ. 5-6 класра вĕренекенсем хăйсен ушкăнне «Девчата» ят пачĕç, 7-мĕшсем – «Супер-старт». Икĕ ушкăн та хăйсемпе паллаштарчĕ, тĕрлĕ ыйту çине хуравларĕ, тупмалли юмахсен тупсăмĕсене тупрĕ, мода та кăтартрĕ. Районта «Эпир – сывă пурнăç йĕркишĕн!» акци пынă май «Хаваслă старт» ăмăртăвăн пайĕсене те кĕртрĕç конкурса. Тĕрлĕ енлĕ тупăшнă хыççăн икĕ ушкăн та пĕр пек очко пуçтарма пултарчĕ. Вăйăра туслăх çĕнтерчĕ.

Мероприяти усăллă та тухăçлă иртрĕ. Курса ларакансем те кашни ушкăнах хавхалантарса тăчĕç.