Чăваш чĕлхи эрни пынă май, 5-9 класра вĕренекенсем  дистанцилле майпа «Аса ил те хуравла» ятпа иртекен викторинăра тĕрлĕ ыйтусем çине хуравларĕç: «Эсир юмахсене пĕлетĕр-и?», «Тупмалли юмахсене пĕлетĕр-и?», «Ваттисен сăмахĕсене вĕçлĕр», «Пуç ватмăш тупсăмĕсене пĕлĕр». Викторина ыйтăвĕсене  ытларах хуравласа паракансем – пиллĕкмĕшсем. Уйрăмах Даша Титовăна, Арина Каргинăна палăртмалла. Пуç ватмăшсене «шĕкĕлчекенсем» вара чылайăн пулчĕç. Çапах та Оля Рубцова, Юля Плешкова, Майя Острякова хăйсен ĕçĕсенче хуравсене туллин çутатма пултарчĕç.