Чăваш чĕлхи кунне, Чăваш автономине йĕркелесе янăранпа 100 çул çитнине тата Аслă Çĕнтерĕвĕн 75 çулне халалласа дистанциллĕ майпа «Пĕтĕм чăваш диктанчĕ – 2020» иртрĕ. Ăна Чăваш патшалăх гуманитари ăслăлăхĕсен институчĕ, Чăваш Республикин  вĕренÿ институчĕ, И.Я.Яковлев ячĕллĕ Чăваш патшалăх педагогика университечĕ тата И.Н.Ульянов ячĕллĕ Чăваш патшалăх университечĕ йĕркеленĕ. Диктант текстне Юрий Скворцовăн «Уках хурăнĕ» хайлавĕнчи сыпăка суйласа илнĕ. Пĕрисем радио-телевизор, теприсем Интернетри хутшăну тетелĕсене вырнаçнă аудиофайлсене итлесе хăйсем чăваш пулнине пĕлтерчĕç.