Пĕтĕм чăваш диктанчĕ

Ака уйăхĕн 26-мĕшĕнче «Пĕтĕм чăваш диктанчĕ – 2023» акци иртрĕ. Ăна аслă вĕрентекенĕмĕр И.Я.Яковлев çуралнăранпа 175 çул çитнине, Раççей Федерацийĕнче вĕрентекенпе ăс паракан çулталăкне, чăваш чĕлхи кунне халалланă. Акцин тĕп тĕллевĕ – чăваш чĕлхин пĕлтерĕшне тĕрлĕ çĕрте сарасси, сумĕпе хисепне ÿстересси. Кăçалхи текста Юхма Мишшин «Çутлăх паттăрĕ» хайлавĕ тăрăх йĕркеленĕ.

Пирĕн шкулти 5-9 класс вĕренекенĕсем те акцие хутшăнма кăмăл турĕç. Диктанта ачасем ятарлă бланксем çине çырчĕç. Акцие пурĕ 25 ача хутшăнчĕ.

Табакова М.И.