Мĕнле пуян чăваш тĕрри,-
Унта пин-пин çулсен йĕрри.
Унта хăват илет çĕнни,
Çынсем ĕмĕртенпе кĕтми.
2020 çулхи юпа уйăхĕн 17-мĕшĕнче Чăваш
Республикин Пуçлăхĕ «Чăваш тĕрри кунĕ пирки» Указ кăларнă. Унтанпа кашни çулах
республикăра тĕрлĕ акци, мероприяти, ăмăрту, фестиваль иртет.
2023 çултан пуçласа вара чÿк уйăхĕн
26-мĕшĕнче Олег Алексеевич Николаев республика пуçлăхĕн сĕнĕвĕпе «Ĕçе те,
вĕренĕве те чăваш тĕрриллĕ тумпа» акци ирттерме палăртнă. Асăннă акцирен пирĕн
шкулта вĕренекенсемпе вĕрентекенсем те айккинче юлас темерĕç, пурте пĕрле
хутшăнма кăмăл турĕç. Шкул музейĕнче вара чăваш эрешĕсемпе илемлетнĕ
капăрлăхсен, ал ĕçĕсен куравĕ иртрĕ. Шкулта кунĕпех савăнăçпа ăшăлăх палăрчĕ.
